Es bida ta kema un naviu sen rume y sen distine
Bida di kriole é navegá nese mar sen fin
N viajá sen rume, N viajá ruin
N viajá sen grasa y sen ligria de navegador

Nos bida foi senpre asin nese mar sô di amargura
Un bida na balansa sen kontrapese é un kriatura
Pezá-l un dia, pezá-l mansin dá-l se ligria
Lenbrá kema el é sofredor

Ó munde si algun dia bo muda di rume
Mudá-l konsiénsia, mudá-l justisa
Troká de naviu, ma tanbê tripulasãu
Troká-l ku pasiénsia, troká-l ke razon

Si vivê é un misãu, si vivê é kunprí distine
Já-l kunprí de-seu, góra faltá-l é sô morrê
Já-l krê txorá, já-l krê sô gritá
Gritá ke tude forsa, gritá ke tude se sofrimente
Es munde é un munde ingróte
Munde triste, ó ke monte de maldade
Un munde de fulia, un munde de tristéza y sen ligria
Un munde sen pas, un munde sô de tormente
Es munde de agóra ka konxê un sentimente

Ó sol sob Kabeverde, sol d’óne 2000
Lenbrá de nha térra, lenbrá de se jente
Spalhá bos raius, ma spalhá-s ke más aligria
Spalhá-s ke sertéza, ma pa tude jente